Taliby pryjechali ŭ Biełaruś, kab pravieryć, jak tut utrymlivajuć afhancaŭ u turmach

Delehacyja pasolstva Afhanistana ŭ Maskvie pad kiraŭnictvam Chafieza Abduły Jasira naviedała afhanskich źniavolenych u Biełarusi. Metaj vizitu było acanić umovy ich utrymańnia i abmierkavać mahčymaści biaśpiečnaha viartańnia ŭ Afhanistan, paviedamlaje Reform.news sa spasyłkaj na afhanskija ŚMI.

Fota: ariananews.af

Afhanskija pradstaŭniki sustrelisia ź biełaruskimi čynoŭnikami i abmiarkoŭvali prablemy, ź jakimi sutykajucca afhanskija hramadzianie ŭ turmach. Asablivaja ŭvaha nadavałasia pošuku praktyčnych rašeńniaŭ dla ich repatryjacyi.

U pasolstvie Afhanistana padkreślili važnaść mižnarodnaha supracoŭnictva i adznačyli hatoŭnaść biełaruskich uładaŭ da dyjałohu. Dypłamaty taksama zajavili, što buduć vykarystoŭvać usie dastupnyja kanały, kab zabiaśpiečyć humannaje staŭleńnie i viartańnie svaich hramadzian na radzimu.

Kamientary da artykuła