U Biełarusi amal całkam vykanali płanavyja nabory ŭ VNU

Načalnik hałoŭnaha ŭpraŭleńnia prafiesijnaj adukacyi Ministerstva adukacyi Biełarusi Siarhiej Piščoŭ raskazaŭ BiełTA, što ŭ hetym hodzie ŭniviersitety amal całkam nabrali jak biudžetnych, tak i płatnych studentaŭ. Na biudžetnyja miescy zaličyli kala 30,5 tysiač čałaviek (99,5 % płana), a na płatnyja — kala 15 tysiač (99 %).

Fota ilustracyjnaje

Pryjom u ahrarnyja VNU na zavočnuju formu navučańnia praciahniecca ŭ listapadzie—śniežni, dzie jašče zastajecca krychu bolš za 1 tysiaču biudžetnych i kala 1,3 tysiačy płatnych miescaŭ. Heta zroblena z ulikam taho, što tudy časta pastupajuć vypuskniki kaledžaŭ i maładyja śpiecyjalisty, jakija ciapier zaniatyja pracaj.

Akramia taho, kaledžy Biełarusi ŭ hetym hodzie pryniali bolš za 30 tysiač navučencaŭ na ŭzrovień prafiesijna-techničnaj adukacyi. Piščoŭ adznačyŭ, što paśpiachovyja vyniki kampanii stali mahčymymi dziakujučy zładžanaj pracy škoł, kaledžaŭ, VNU i pradpryjemstvaŭ, a prafaryjentacyjnaja dziejnaść dała prykmietny efiekt.

Kamientary da artykuła