U Biełaruś z Hrecyi prybyła pradstaŭničaja kitajskaja delehacyja
Siońnia viečaram u Minsk prybyła kitajskaja delehacyja na čale z sakratarom Centralnaj kamisii pa praviercy dyscypliny i členam Pastajannaha kamiteta Palitbiuro Kamunistyčnaj partyi Kitaja Li Si, paviedamlaje analityčnaja hrupa iSANS.
Raniej paviedamlałasia, što Li Si ŭznačalić delehacyju partyi, jakaja z 17 pa 24 vieraśnia naviedaje Hrecyju i Biełaruś.
Pajezdka ŭ Hrecyju adbyvałasia pa zaprašeńni partyi «Novaja demakratyja», a ŭ Biełaruś Li Si zavitaŭ pa zaprašeńni administracyi Alaksandra Łukašenki.
Vierahodna, padčas sustrečy Li Si z pradstaŭnikami biełaruskich uładaŭ budzie abmiarkoŭvacca ŭ tym liku pytańnie zakrytaj polska-biełaruskaj miažy, z-za čaho cierpić sprava transpartavańnia ŭ Jeŭropu kitajskich tavaraŭ.
Raniej na hetym tydni kitajskaja delehacyja na čale ź ministram zamiežnych spraŭ Kitaja Van I praviała sustrečy ŭ Polščy. Siarod inšaha jana sustrełasia z prezidentam Polščy Karalem Naŭrockim i ministram zamiežnych spraŭ Radasłavam Sikorskim. Padčas hetych sustreč baki abmierkavali tranzit kitajskich tavaraŭ praź Biełaruś i poŭnaje zakryćcio Polščaj miažy ź Biełaruśsiu.
Polšča za adkryćcio miažy čakaje sastupak ad režymu Łukašenki, u pieršuju čarhu ŭ pytańni spynieńnia mihracyjnaha kryzisu.
Čytajcie taksama:
U Biełaruś pryjedzie vysoki kitajski čynoŭnik
Ci paŭpłyvaje Kitaj na Łukašenku, kab polskaja miaža adkryłasia?
Sikorski: Miažu ź Biełaruśsiu adkryjem, kali Kitaj nam dapamoža