U Vierchniadźvinskim rajonie fierma zapaskudziła hnojem miascovuju rečku
22 vieraśnia 2025 hoda na žyviołahadoŭčym kompleksie «Sardyki» UPP «Užyca-Ahra» ŭ Vierchniadźvinskim rajonie adbyłasia ekałahičnaja avaryja. U vyniku pierapaŭnieńnia hnojenazapašvalnika «Łahuna» hnajavyja ścioki pačali raźlivacca pa sielskahaspadarčych ziemlach. Častka ich trapiła ŭ ručaj, jaki ŭpadaje ŭ raku Sarjanku, paviedamlaje Minpryrody.
Fota: Minpryrody
Dla acenki maštabu zabrudžvańnia byli adrazu ž uziatyja proby jak samich hnajavych ściokaŭ, tak i vady ŭ ručai i race. Heta dazvolić vyśvietlić uzrovień chimičnaha i bijałahičnaha ŭździejańnia na navakolnaje asiarodździe.
Fota: Minpryrody
Pa stanie na 20:00 taho ž dnia skid hnajavoj žyžki ŭ pryrodu byŭ spynieny. Pradpryjemstva pryniało miery: pačali vyvoziać ścioki ź pierapoŭnienaha nazapašvalnika, kab praduchilić paŭtornaje raźlivańnie.
Ciapier čakajucca vyniki łabaratornaha kantrolu. U zaležnaści ad ich kampietentnyja orhany vyznačać miery adkaznaści i prymuć rašeńni pavodle ekałahičnaha zakanadaŭstva.
Čytajcie taksama:
Schovišča dla radyjeaktyŭnych adkidaŭ pabudujuć da 2030 hoda