Łukašenka choča na hrošy, jakija zastalisia ad budaŭnictva AES, pabudavać jašče adzin błok
Alaksandr Łukašenka paviedamiŭ, što na aščadžanyja srodki ad kredytu, uziataha dla budaŭnictva Biełaruskaj AES, možna pabudavać jašče adzin enierhabłok. Jon raskazaŭ pra heta ŭ Kramli paśla pieramoŭ z prezidentam Rasii Uładzimiram Pucinym, piša BiełTA.
Alaksandr Łukašenka ŭ Maskvie 26 vieraśnia 2025 hoda. Fota: Ramil Sitdikov / Pool Photo via AP
Pa słovach Łukašenki, ekanomija nibyta atrymałasia takaja značnaja, što hetyja hrošy dazvalajuć realizavać novy prajekt biez dadatkovych kredytaŭ.
Jak jon śćviardžaje, niahledziačy na pieršapačatkovyja strachi z-za mahčymaj lišniaj vytvorčaści elektraenierhii, budaŭnictva BiełAES nibyta stanoŭča paŭpłyvała na raźvićcio krainy.
Akramia taho, Łukašenka zajaviŭ, što «Rasatam» zabiaśpiečyć pierapracoŭku adkidaŭ jadziernaha paliva BiełAES.
Čytajcie taksama:
Łukašenka ŭžo ŭhavorvaje Zialenskaha sustrecca i nazyvaje na imia pa baćku
Łukašenka zajaviŭ pra mahčymaść budaŭnictva AES na ŭschodzie Biełarusi