Łukašenka zachacieŭ mieć jašče adzin cukrovy zavod
Padčas pajezdki ŭ Škłoŭski rajon Alaksandr Łukašenka daručyŭ razabracca z mahčymaściu budaŭnictva jašče adnaho cukrovaha zavoda ŭ Biełarusi, paviedamlaje BiełTA.
Fota ilustracyjnaje
Łukašenku dałažyli pra vosieńskija palavyja raboty ŭ rajonie, vobłaści i pa krainie ŭ cełym, u tym liku pra ŭborku bulby, cukrovych burakoŭ i lonu. Razmova zakranuła pytańnie aptymalnych płoščaŭ dla vyroščvańnia cukrovych burakoŭ u rehijonie, bo najaŭnyja zavody pieravažna pracujuć ź blizkimi rajonami, a z addalenych terytoryj buraki dastaŭlać ciažka.
Łukašenka adznačyŭ, što na zachadzie i ŭ centry krainy jość čatyry cukrovyja zavody, a na ŭschodzie ich niama zusim. Tamu, kali razhortvajucca takija pierśpiektyvy, možna pabudavać nievialiki zavod u Mahiloŭskaj vobłaści. Jon padkreśliŭ, što važna, kab zavod hety možna było nie tolki pabudavać, ale i zabiaśpiečyć syravinaj, tamu nad hetym treba budzie padumać zimoj.
Na siońnia ŭ Biełarusi pracujuć čatyry cukrovyja zavody: Słucki i Haradziejski ŭ Minskaj vobłaści, Skidzielski ŭ Hrodzienskaj i Žabinkaŭski ŭ Bresckaj. Usie jany hruntujucca na pierapracoŭcy cukrovych burakoŭ.
Čytajcie taksama:
U Žabincy stali vypuskać cukar ź pikantnymi dadatkami
Tyktokier nabraŭ paŭmiljona prahladaŭ, zapościŭšy łuchtu pra biełaruski cukar
U Biełarusi raście kolkaść fiermierskich haspadarak. Čym jany zajmajucca?