Mahiloŭskim liftam dabaviać chutkaści
Na pradpryjemstvie «Mahiloŭliftmaš» rychtujucca da zapusku ŭ vytvorčaść liftaŭ z chutkaściu ruchu da 4 mietraŭ za siekundu, paviedamlaje «Pieršy infarmacyjny».
Skryn videa
Užo ciapier na zavodzie pačata zborka novych madelaŭ z chutkaściu da 2,5 m/s, ale da kanca 2025 hoda płanujecca siertyfikavać i ŭvieści ŭ sieryjnuju vytvorčaść bolš mahutnyja kanstrukcyi. Novaja pradukcyja pavinna pavysić kankurentazdolnaść pradpryjemstva na mižnarodnym rynku i adkryć novyja ekspartnyja mahčymaści.
Pradpryjemstva «Zienit», jakoje niadaŭna ŭvajšło ŭ skład chołdynhu, atrymała inviestycyjnuju padtrymku i zakupiła 63 adzinki novaha abstalavańnia. Usio, što adkazvaje za aśviatleńnie i kiravańnie kabinaj, ciapier stvarajecca ŭ Mahilovie.
Akramia taho, «Zienit» asvoiŭ technałohii indyvidualnaj afarboŭki liftavych kabin — u tym liku z prymianieńniem pryntara dla naniasieńnia luboha dyzajnu i koleraŭ pa zamovie. Stupień łakalizacyi mahiloŭskich liftaŭ vysokaja — 90% kamlektujučych ajčynnaj vytvorčaści.