U Kitai adkryli samy vysoki ŭ śviecie most
Samy vysoki ŭ śviecie adkryli ŭ pravincyi Hujčžou na paŭdniovym zachadzie Kitaja, paviedamlaje kitajskaje ahienctva «Sińchua». Ruch pa novym moście dazvolić skaracić čas u darozie praź ciaśninu z dvuch hadzin da ŭsiaho tolki dvuch chvilin paśla trochhadovaha budaŭnictva.
«Most, jaki ŭzvyšajecca na 625 mietraŭ nad rakoj Bejpańczian ŭ hornaj miascovaści Hujčžou, amal u dzieviać razoŭ vyšejšy za most «Załatyja varoty» ŭ San-Francyska. Hety most, daŭžynia hałoŭnaha pralota jakoha składaje 1 420 mietraŭ, taksama staŭ padviesnym mostam na stalovych fiermavych belkach z samym vialikim pralotam u śviecie, pabudavanym u hornaj miascovaści», — skazana ŭ publikacyi.
Novy most pavinien značna palepšyć ŭzajemaźviazanaść rehijonaŭ, skazaŭ kiraŭnik pravincyjnaha ŭpraŭleńnia transpartu Čžan Iń.
Pa jaho słovach, pry budaŭnictvie hetaha mosta byli dasiahnutyja niekalki technałahičnych praryvaŭ u halinie vietraŭstojlivaści i budaŭnictva na vialikaj vyšyni.
Čytajcie taksama:
U Minsku adkryli ruch transpartu pad mostam na Maskoŭskaj
Italija płanuje pabudavać najdaŭžejšy padviesny most u śviecie — u Sicyliju