Viasielnaha fatohrafa ź Minska asudzili pa troch palityčnych artykułach, nazvali terarystam i pasadzili ŭ kałoniju

Alehu Słabuchu pahražała da 12 hadoŭ — padobna, sprava ŭ niejkich kamientarach.

Aleh Słabucha. Fota ź jahonaha instahrama

Aleh Słabucha — 38‑hadovy minčuk. Pa adukacyi jon inžynier. Lubić padarožničać i aktyŭna adpačyvać.

Bolš za 10 hadoŭ Aleh zajmajecca videahrafijaj. U 2015‑m jon adkryŭ IP i pracuje na siabie. Aleh śpiecyjalizujecca na viasielnaj i siamiejnaj fatahrafii, ale biarecca i za piersanalnyja zdymki i siužetnyja videa.

Aleh Słabucha (źleva) i rasijski komik i hulec u KVZ Dzianis Dorachaŭ. Fota sa staronki Ukantakcie Aleha

Aleha Słabuchu asudzili ŭ 2025 hodzie ŭ Minskim haradskim sudzie pa troch artykułach — «raspalvańnie varožaści» (č. 1 art. 130 KK), «abraza Łukašenki» (č. 1 art. 368 KK) i «zakliki da dziejańniaŭ, nakiravanych na pryčynieńnie škody Biełarusi» (č. 3 art. 361 KK).

@belarusnovosti2 Svadiebnoho fotohrafa iz Minska otpravili v kołoniju za politiku #minsksiejčas #kolałukašienko #zielenskij #łukašienko #biełaruś ♬ Horror, Fear, Mystery, Suspense, Criminal, Terror, Halloween, Movie, Soundtrack, OST, TV Game, Creepy(1323087) - SAKUMAMATATA

Alehu pahražała da 12 hadoŭ kałonii, ale sutnaść abvinavačańnia i prysud nieviadomyja — viadoma tolki, što Aleh u kałonii. A niadaŭna jaho ŭnieśli ŭ śpisy «ekstremistaŭ» i «terarystaŭ».

Kamientary da artykuła