U Jarasłaŭli haryć bujny naftapierapracoŭčy zavod
U Jarasłaŭskaj vobłaści Rasii ŭźnik maštabny pažar na terytoryi naftapierapracoŭčaha zavoda («Słavniefť-JANOS»), adnaho z najbujniejšych pradpryjemstvaŭ pa pierapracoŭcy nafty ŭ krainie.
Miascovyja ŭłady zajaŭlajuć pra technahienny charaktar zdareńnia. Pavodle słoŭ hubiernatara Michaiła Jaŭrajeva, pažar nie źviazany z napadam bieśpiłotnikaŭ. «Atak BPŁA siońnia zafiksavana nie było. Pažar maje technahienny charaktar», — śćviardžaje jon.
Zavod źjaŭlajecca najbujniejšym u Centralnym fiederalnym akruzie. Siarod spažyŭcoŭ — bujnyja pradpryjemstv, aeraporty, čyhunka i abjekty vajenna-pramysłovaha kompleksu.
Inšyja krynicy pakul nie paćvierdzili aficyjnuju viersiju pryčyn pažaru.