Na čyhuncy pamiž Kojdanavym i Fanipalem adbyłasia avaryja, ciahniki iduć sa spaźnieńniem
1 kastryčnika 2025 hoda pry praviadzieńni rabot pa ŭstanoŭcy apor kantaktnaj sietki padradnaj arhanizacyjaj na pierahonie Kojdanava — Fanipal pierakuliłasia śpiectechnika (aŭtamatrysa ADM), paviedamiła pres-słužba Biełaruskaj čyhunki.
Fota ilustracyjnaje
Jak paviedamlajecca, u vyniku zdareńnia nichto nie paciarpieŭ, a pahrozy biaśpiecy ruchu ciahnikoŭ niama.
U suviazi sa zdareńniem ciahniki na ŭčastku Minsk — Baranavičy iduć z adchileńniem ad ustanoŭlenaha hrafika ruchu ad 15 da 40 chvilin. Biełaruskaja čyhunka prymaje apieratyŭnyja miery pa ŭvodu ciahnikoŭ u hrafik.
Dla likvidacyi nastupstvaŭ zdareńnia nakiravany adnaŭlenčy ciahnik.