Pucin zapeŭnivaŭ Jeŭropu, što słabaść niedapuščalnaja

Vystupajučy na pasiadžeńni kłuba «Vałdaj», prezident Rasii Uładzimir Pucin zajaviŭ, što Rasija «nikoli nie inicyjavała vajennaje supraćstajańnie», a pahrozu napadu na NATA nazvaŭ «łuchtoj».

Uładzimir Pucin. Fota: Ramil Sitdikov / Pool Photo via AP

«Uvažliva sočym za ŭsio bolšaj militaryzacyjaj Jeŭropy. Abo heta słovy, abo nam para prymać miery ŭ adkaz. My čujem, vy viedajecie pra heta, FRH, naprykład, havoryć pra toje, što niamieckaja armija pavinna być znoŭ samaj mahutnaj u Jeŭropie. Nu dobra, my ŭvažliva heta słuchajem, hladzim, što majecca na ŭvazie. Dumaju, ni ŭ kaho niama sumnievaŭ, što miery ŭ adkaz Rasii nie prymusiać doŭha čakać», — zajaviŭ Pucin, paabiacaŭšy «vielmi pierakanaŭčy» adkaz na nibyta pahrozu z boku NATA.

«My adkazvajem chutka, nie treba pravakavać… Pravakacyi zakančvajucca kiepska dla samich pravakataraŭ. Słabaść niedapuščalnaja!», — tłumačyŭ jon.

Pry hetym Pucin nazvaŭ zajavy jeŭrapiejskich palitykaŭ pra pahrozu napadu Rasii na krainy NATA «łuchtoj», u jakuju «niemahčyma pavieryć», i «nahniatańniem isteryi».

«Chočacca skazać: ucichamirciesia, śpicie spakojna, zajmiciesia, narešcie, svaimi prablemami», — skazaŭ jon.

Kamientary da artykuła