Prezident ZŠA Donald Tramp vystupiŭ pierad amierykanskimi hienierałami i admirałami, sabranymi ministram abarony Pitam Chiehsetam z usiaho śvietu. Jahonaja pramova była vielmi bieskampramisnaja i pa svajoj tanalnaści praciahvała tuju liniju, jakuju pierad tym zadaŭ u svaim vystupleńni Pit Chiehset
Prezident Tramp pačaŭ svoj siońniašni vystup pierad hienieralitetam z žartu.
«Kali vam nie padabajecca toje, što ja kažu, — možacie vyjści z zały. Raźvitajciesia sa zvańniem, raźvitajciesia z budučyniaj»
Zała vybuchnuła śmiecham.
«Pucin… — a ja jaho viedaju — ja dumaŭ, što vajnu va Ukrainie zakončyć budzie najpraściej… My musim niejak damovicca, kab Pucin i Zialenski sieli [za stoł pieramovaŭ]. Ale my musim dasiahnuć hetaha praź siłu. Jany musiać viedać, što my mocnyja», — patłumačyŭ Tramp svaju ciapierašniuju pazicyju nakont Ukrainy ŭ vystupie pierad hienieralitetam.
Pa jaho słovach, u nastupnym hodzie na vajskovyja patreby ZŠA vydzielać 1 tryljon dalaraŭ.
«Ja paabiacaŭ vydzielić bolš za 1 tryljon dalaraŭ na našy vajskovyja patreby ŭ 2026 hodzie — heta samaja vialikaja suma ŭ historyi našaj krainy. Spadziajusia, vam heta spadabajecca. Damy i panovie, spadziajusia, vam spadabajecca. Heta chalerna šmat hrošaj», — skazaŭ prezident ZŠA.
Taksama ŭ svaim vystupleńni jon adznačyŭ, što padvodnyja łodki ZŠA nibyta apiaredžvajuć rasijskija i kitajskija na 25 hadoŭ, ale rassłablacca nie varta.
«My apiaredžvajem Rasiju i Kitaj u padvodnych łodkach na 25 hadoŭ. Rasija na druhim miescy, Kitaj na trecim, ale jany dahaniajuć. Praź piać hadoŭ jany buduć na roŭnych. Jany dahaniajuć», — zajaviŭ prezident ZŠA.
Kamientujučy płan ZŠA pa spynieńni ahniu ŭ siektary Haza, Tramp skazaŭ, što daje hrupoŭcy CHAMAS usiaho 3‑4 dni. Kali arhanizacyja nie pahodzicca na jahonuju mirnuju prapanovu, «budzie vielmi sumny kaniec».
Tramp vykazaŭ upeŭnienaść, što nivodnaja kraina ŭ śviecie nie aśmielicca kinuć vyklik i pahražać ZŠA.
«Nivodnaja kraina nie advažycca kinuć nam vyklik, my nastolki mahutnyja, što nivodzin vorah nie aśmielicca nam pahražać. My nastolki zdatnyja, što nivodzin praciŭnik nie moža navat padumać pra toje, kab pieramahčy nas».
U svajoj pramovie jon zhadaŭ pra namieśnika staršyni Rady biaśpieki Rasii, byłoha prezidenta Dźmitryja Miadźviedzieva, nazvaŭšy jaho «tupym čałaviekam»:
«Rasija nam źlohku pahražała nie tak daŭno. I ja adpraviŭ atamnyja padvodnyja łodki — samuju śmiarotnuju zbroju sa stvoranych. Ja zrabiŭ heta praź jahonuju zhadku słova «jadzierny»… Heta byŭ tupy čałaviek, jaki pracuje na Pucina. I ja adpraviŭ padłodku ci dźvie da bieraha Rasii. Prosta dla zaściarohi. My nie možam dazvolić ludziam raskidvacca hetym słovam naprava i naleva», — skazaŭ Donald Tramp.
Jon pachvaliŭsia, što adnaviŭ jadzierny patencyjał ZŠA i vykazaŭ nadzieju, što jaho nie daviadziecca ŭžyvać.
«Ja adnaviŭ naš jadzierny patencyjał, jak vy, vierahodna, viedajecie, ale my taksama praviadziom jaho madernizacyju — i budziem spadziavacca, što nam nikoli nie pryjdziecca jaho vykarystoŭvać».
Ministr abarony ZŠA: Mužčyn u sukienkach i prajdaŭ u vojsku nie budzie. Baradatych i ź lišniaj vahoj taksama
Tramp prydumaŭ płan miru dla Hazy. Jaho padtrymali amal usie
Cichanoŭskaja: Rytoryka Trampa adnosna Łukašenki niepryjemnaja dla nas, ale jana dazvalaje vyzvalać ludziej
«Nijakich zabaronienych miescaŭ nie isnuje». Kiełah kaža, što Tramp dazvoliŭ Ukrainie nanosić dalnabojnyja ŭdary
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie9
Kamientary
Ispytanija JAO, kotoroje proviediet do novoho hoda RF, niemnoho pokałychajet ziemlu.
Triend hrustnyj.