Biełaruski biskup zaprasiŭ Papu naviedać Biełaruś
Dapamožny biskup Pinskaj dyjacezii Andrej Znoska na svajoj staroncy ŭ sacyjalnych sietkach paviedamiŭ pra karotkuju sustreču z Papam Lvom XIV 1 kastryčnika padčas Hienieralnaj aŭdyjencyi na płoščy Śviatoha Piatra ŭ Vatykanie, piša Katolik.life.
Papa Leŭ XIV i biskup Andrej Znoska padčas aŭdyjencyi ŭ Vatykanie. Skrynšot ź videa
Padčas aŭdyjencyi biskupy, jakija brali ŭ joj udzieł, pa čarzie padychodzili da pantyfika, kab pavinšavać jaho i abmierkavać važnyja pytańni.
Razmova Znoski z Papam doŭžyłasia ŭsiaho kala 15 siekund, za jakija jon paśpieŭ skazać:
«Naša Carkva maryć i molicca, kab vaš vizit u našu krainu staŭ mahčymym. My ŭsie stomlenyja vajnoj pamiž našymi susiedziami, a vaš pryjezd u Biełaruś budzie znakam miru i nadziei».
Biskup padkreśliŭ, što vizit pantyfika moh by stać znakam adzinstva, duchoŭnaj padtrymki i nadziei dla biełaruskaha naroda, asabliva va ŭmovach sučasnych hieapalityčnych i sacyjalnych vyklikaŭ.
U toj ža čas biskup Viciebski Aleh Butkievič, jaki taksama pajechaŭ u Rym z pałomnikami sa svajoj dyjacezii, na aŭdyjencyju z Papam nie trapiŭ, bo znachodziŭsia razam sa svajoj hrupaj viernikaŭ, a nie siarod biskupaŭ, jakija padychodzili da pantyfika.
Čytajcie taksama:
Nuncyju i viciebskamu biskupu nie dazvolili sustrecca sa źniavolenymi katalickimi śviatarami
Aficyjnyja katalickija ŚMI vyrazali antyvajennuju frazu ŭ hamilii biskupa