U Baranavičach raskryli zabojstva 26‑hadovaj daŭniny. Tady zabili 16‑hadovuju dziaŭčynu
U krasaviku 1999 hoda na vulicy Hruntovaj u Baranavičach prachožyja vyjavili trup 16‑hadovaj dziaŭčyny sa śladami zadušeńnia.
Na pačatkovym etapie ŭstanavić asobu złačyncy nie ŭdałosia, adnak rabota apieratyŭnikaŭ va ŭzajemadziejańni z ekśpiertami i śledčymi ŭ vyniku pryniesła vynik, paviedamiła pres-słužba MUS.
U vyniku byli atrymanyja dokazy datyčnaści da zabojstva na toj momant 30‑hadovaha miascovaha žychara. Mužčyna pryznaŭsia, što na praciahu niekalkich miesiacaŭ da zdareńnia mieŭ znosiny z paciarpiełaj.
U dzień trahiedyi sustreŭsia ź dziaŭčynaj, kab pakatacca na aŭtamabili pa horadzie. Adnak znosiny pieraraśli ŭ kanflikt, mužčyna spyniŭ mašynu i zadušyŭ spadarožnicu. Zatym vyciahnuŭ cieła z aŭto i źjechaŭ.
56‑hadovy mužčyna ŭ dadzieny momant zatrymany.