Ukraina ŭdaryła pa rakietnym karabli «Hrad» na Aniežskim voziery ŭ Karelii
Apieracyja była praviedziena siońnia ranicaj.
Anna-news.com
Siły śpiecapieracyj USU paškodzili rakietny karabiel «Hrad» prajekta 21631 «Bujan‑M» na Aniežskim voziery (Respublika Karelija)
A 04:31 ranicy ŭ vyniku paśpiachovych dziejańniaŭ adnaho z padraździaleńniaŭ Sił śpiecyjalnych apieracyj na Aniežskim voziery byŭ paškodžany mały rakietny karabiel «Hrad» (bartavy numar 575) prajekta 21631 «Bujan‑M», paviedamlaje kamandavańnie SSA ŭ fejsbuku.
Rakietanosiec išoŭ z Bałtyjskaha ŭ Kaśpijskaje mora. Udar pryjšoŭsia ŭ pravuju častku adsieka siłavoj ustanoŭki karabla. Dadatkovyja detali ŭdakładniajucca.
«Hrad» — adzin z najnoŭšych i najsučaśniejšych karabloŭ RF, uviedzieny ŭ skład Bałtyjskaha fłotu Rasii 29 śniežnia 2022 hoda. Asnoŭnym uzbrajeńniem sudna źjaŭlajecca rakietny kompleks «Kalibr‑NK».
U Rasii ŭdar pakul nie kamientavali.