Homielskija ŭłady dziela ŭstanoŭki pomnika Rakasoŭskamu vysiekli ceły skvier u centry horada
Havorka idzie pra skvier kala fabryki «8 sakavika». Usie drevy tam byli śpiłavanyja ŭčora, 3 kastryčnika, piša «Fłahštok».
Paśla pačatku rabot staršynia harvykankama Uładzimir Pryvałaŭ apublikavaŭ vyjavu budučaha skviera: adkrytaja prastora z typavymi lichtarami— «cyharetami», tratuarami typu «arnamient» i hranitnymi kvietnikami ŭ formie kamunistyčnych zorak. U centry kampazicyi — «padarunak» ad rasijskaha pasolstva: konny pomnik maršału Kanstancinu Rakasoŭskamu.
Taksama Pryvałaŭ u svaim telehram-kanale paviedamiŭ, što ŭsie drevy ŭ skviery, choć nibyta vyhladali i dobra, na spravie akazalisia «avaryjnymi».
Nijakaha hramadskaha abmierkavańnia prajekta pomnika, ŭparadkavańnia i nazvy skviera nie pravodziłasia. Čynoŭniki Homielskaha harvykankama zajavili, što ŭsie raboty ŭ skviery nibyta źjaŭlajucca «ŭparadkavańniem», jakoje nie patrabuje ŭzhadnieńnia z žycharami.
Čytajcie taksama:
Rasijanie vybrali, jaki pomnik budzie pastaŭleny ŭ Homieli
U Homieli pastaviać pomnik maršału Rakasoŭskamu
U centry Homiela rasijanie pastaviać pomnik kniaziu Paskieviču
Rasija pastavić u Mahilovie pomnik arhanizataru palityčnych zabojstvaŭ