«Paradak tolki ad ułady, ad prezidenta. Bieź jaho była b zvałka». Azaronak nazvaŭ biełarusaŭ bieskulturnymi pa natury
Prapahandyst Ryhor Azaronak pakpiŭ z reputacyi biełarusaŭ jak kulturnaj nacyi. Jon nazvaŭ heta «durnym ujaŭleńniem pra žyćcio».
«U nas jość niekatoryja vielmi durnyja i naiŭnyja ŭjaŭleńni pra žyćcio. Maŭlaŭ, ach, heta voś biełarusy, takija kulturnyja, jeŭrapiejskija, navat katy ŭ nas na čyrvonaje chodziać, a tamu — čyścinia i paradak», — pierabłytaŭšy kolery śviatłafora, napisaŭ prapahandyst.
Na jaho dumku, «heta łuchta».
«U dzievianostyja kožny dvor byŭ zvałkaju. I simvałam usiaho hetaha byŭ niedabudavany Pałac Respubliki, dzie žyli i snašalisia bamžy, usiudy valalisia šprycy, razmnažalisia jakija zaŭhodna mihranty i možna było prykupić narkatu», — namalavaŭ karcinu 90‑ch daśviedčany 29‑hadovy prapahandyst.
«A ciapierašni paradak i spakoj — jany nie sami saboju, nie ź nieba zvalilisia. Nie tamu, što my tut takija dafiha dobryja.
Heta tolki zasłuha asabista prezidenta i jaho vajaroŭ-siłavikoŭ», — zajaviŭ Azaronak.