Ramzan Kadyraŭ znoŭ atrymaŭ zvańnie Hieroja Čačni
Zvańnie Hieroja Čačni ŭ 2023‑m atrymaŭ taksama syn Kadyrava Adam.
Momant uznaharodžańnia. Skrynšot videa TASS
Kiraŭniku Čačni Ramzanu Kadyravu prysvoili zvańnie Hieroja Čačenskaj Respubliki. Załaty miedal jamu ŭručyŭ kiraŭnik rehijanalnaha ŭrada Mahamied Daudaŭ padčas adkryćcia novaha ŭradavaha kompleksu ŭ Hroznym.
Zvańnie Kadyravu ŭ jaho 49‑ty dzień narodzinaŭ dali, jak zajaŭlajecca, «za vydatnyja zasłuhi pierad dziaržavaj, biaźmiežnaje słužeńnie narodu, asabistuju mužnaść, šmathadovuju samaaddanuju dziaržaŭnuju i hramadskuju dziejnaść, nakiravanuju na roskvit i pavyšeńnie sacyjalna-ekanamičnaha patencyjału respubliki».
Hetuju ŭznaharodu Kadyraŭ raniej zasnavaŭ svaim ukazam. I staŭ pieršym čałaviekam u Čačni, jaki atrymaŭ hetaje zvańnie — 24 lutaha 2023 hoda. Ciapier jaho ŭznaharodzili znoŭ. Zvańnie Hieroja Čačni ŭ 2023‑m atrymaŭ taksama syn Kadyrava Adam.