U homielskuju balnicu na chutkaj pryvieźli pacyjenta, ale jon tam adrazu «vylečyŭsia»
Niezvyčajny vypadak adbyŭsia ŭ adnoj z homielskich balnic. Jak piša kanał siłavikoŭ, 36‑hadovy žychar rajona byŭ dastaŭleny na mašynie chutkaj dapamohi ź miedycynskimi pakazańniami i źmieščany ŭ pryjomny pakoj. Ale pakul miedyki vyrašali, kudy jaho nakiravać, pacyjent źnik.
Akazałasia, što mužčyna zaŭvažyŭ žanočuju sumačku na łavie — zahlanuŭ unutr i vyniaŭ kašalok, telefon i pačak cyharet. Paśla hetaha pacyjent chutka źnik z ustanovy.
Jaho apieratnyŭna znajšli milicyjanty, zaviedziena kryminalnaja sprava za kradziež.