Cichanoŭskaja biez dramatyzacyi i z uśmieškaj prakamientavała rašeńnie ŭładaŭ Litvy źmianić formu jaje achovy

Śviatłana Cichanoŭskaja zapisała videa, u jakim zapeŭniła, što jana razam z kalehami praciahnie svaju pracu, niahledziačy na źmienu ŭzroŭniu achovy palityka ŭ Litvie i pierachodu jaje Ofisa na častkova addalenuju pracu.

Śviatłana Cichanoŭskaja. Fota: AP Photo / Mindaugas Kulbis

«Darahija maje biełarusy! Ja praciahvaju pracavać z vami dziela našaj supolnaj mety. My z kamandaj budziem i dalej zmahacca za vyzvaleńnie palitźniavolenych, adstojvać intaresy biełarusaŭ i pryciahvać mižnarodnuju ŭvahu da prablemaŭ u Biełarusi. Jakija b ciažkaści ni ŭźnikali, my praciahvajem pracu. Niahledziačy na lubyja vykliki, nijakija pieraškody nas nie spyniać. My tut i praciahvajem dziejničać», — zajaviła demakratyčnaja lidarka.

7 kastryčnika stała viadoma, što achovaj Śviatłany Cichanoŭskaj ciapier budzie zajmacca palicyja, a nie Słužba achovy kiraŭnictva dziaržavy. Pry hetym sam status Śviatłany Cichanoŭskaj, jak zapeŭnivajecca, nie źmianiŭsia. Taksama zachoŭvajecca i akredytacyja pradstaŭnictva biełaruskich demsiłaŭ u Litvie.

Kamientary da artykuła