Ціханоўская без драматызацыі і з усмешкай пракаментавала рашэнне ўладаў Літвы змяніць форму яе аховы
Святлана Ціханоўская запісала відэа, у якім запэўніла, што яна разам з калегамі працягне сваю працу, нягледзячы на змену ўзроўню аховы палітыка ў Літве і пераходу яе Офіса на часткова аддаленую працу.
Святлана Ціханоўская. Фота: AP Photo / Mindaugas Kulbis
«Дарагія мае беларусы! Я працягваю працаваць з вамі дзеля нашай супольнай мэты. Мы з камандай будзем і далей змагацца за вызваленне палітзняволеных, адстойваць інтарэсы беларусаў і прыцягваць міжнародную ўвагу да праблемаў у Беларусі. Якія б цяжкасці ні ўзнікалі, мы працягваем працу. Нягледзячы на любыя выклікі, ніякія перашкоды нас не спыняць. Мы тут і працягваем дзейнічаць», — заявіла дэмакратычная лідарка.
7 кастрычніка стала вядома, што аховай Святланы Ціханоўскай цяпер будзе займацца паліцыя, а не Служба аховы кіраўніцтва дзяржавы. Пры гэтым сам статус Святланы Ціханоўскай, як запэўніваецца, не змяніўся. Таксама захоўваецца і акрэдытацыя прадстаўніцтва беларускіх дэмсілаў у Літве.
Чытайце таксама:
Літоўскі дэпутат: Офіс Ціханоўскай працуе не за літоўскі кошт, мы ўсяго толькі забяспечвалі ахову
Праца фізічнага офіса Ціханоўскай у Вільні часова прыпынена
Прэм'ер-міністр Літвы: Узровень аховы Ціханоўскай скарэкціраваны з улікам узроўню пагроз
Былы кіраўнік МЗС Літвы раскрытыкаваў паніжэнне ўзроўню аховы Ціханоўскай
У Офісе Ціханоўскай пракаментавалі рашэнне знізіць узровень яе фізічнай аховы ў Літве