Paśla žudasnaj avaryi ŭ Śvietłahorskim rajonie špitalizavali vosiem čałaviek
Ministerstva achovy zdaroŭja paviedamiła, što ŭsiaho ŭ avaryi maršrutki ŭ Śvietłahorskim rajonie paciarpieli 19 čałaviek, ź ich šaściora zahinuli na miescy.
Na miescy avaryi. Fota: MUS
Vaśmi paciarpiełym, u tym liku adnamu padletku, spatrebiłasia špitalizacyja.
Troje ludziej pakinuli miesca zdareńnia na spadarožnym transparcie da pryjezdu miedykaŭ, a dvoje paśla miedycynskaha ahladu admovilisia ad špitalizacyi i zastalisia pad ambułatornym nahladam.
U špitalizavanych dyjahnastavali adkrytyja pierałomy, vyvichi, traŭmy, čerapna-mazhavyja paškodžańni. Miedyki pravodziać usie nieabchodnyja abśledavańni i lačebnyja pracedury.
Na miesca avaryi byli nakiravanyja bryhady chutkaj dapamohi, u tym liku reanimacyjnyja i fielčarskija hrupy, paviedamiŭ Respublikanski centr arhanizacyi miedycynskaha reahavańnia.
U Śvietłahorskaj centralnaj rajonnaj balnicy zahadzia padrychtavali dadatkovyja apieracyjnyja, chirurhičnyja i traŭmatałahičnyja kabiniety, kab svoječasova pryniać paciarpiełych.
Dla dapamohi miascovym śpiecyjalistam z Homiela byli nakiravanyja chirurh, traŭmatołah, niejrachirurh, tarakalny chirurh i reanimatołah-aniestezijołah.
Čytajcie taksama:
Šeść čałaviek zahinuli ŭ Śvietłahorskim rajonie pry avaryi maršrutki
U Alšanach 17‑hadovy chłopiec učyniŭ DTZ sa śmiarotnym vynikam
U Dziaržynskim rajonie adbyłasia avaryja sa śmiarotnym vynikam