Minzdaroŭja prakamientavała masavaje atručvańnie ŭ minskim bistro «Pit Stop»
12 klijentaŭ bistro «Pit Stop» byli špitalizavanyja. Sanepidsłužba raspačała rasśledavańnie. Bistro pakul zakrytaje.
Pavodle viedamstva, u 12 naviedvalnikaŭ staličnaha bistro «Pit Stop» na praśpiekcie Niezaležnaści dyjahnastavany hastraenteryt infiekcyjnaha pachodžańnia. Usie jany špitalizavanyja ŭ infiekcyjnuju balnicu.
Stan pacyjentaŭ aceńvajecca jak siaredniaj ciažkaści.
Śpiecyjalistami praviedziena pravierka ŭmoŭ hatavańnia i prodažu straŭ; adabrany proby ježy i syraviny dla łabaratornaha analizu; praviedziena miedycynskaje abśledavańnie rabotnikaŭ.
Da poŭnaha ŭstaranieńnia parušeńniaŭ praca bistro prypynienaja.
Pra masavaje atručvańnie ŭ minskim bistro «Pit Stop» stała viadoma ŭčora.
U redakcyju Onliner źviarnuŭsia małady čałaviek pa imieni Michaił (imia źmieniena) i raskazaŭ, što trapiŭ u infiekcyjnuju balnicu paśla abiedu ŭ minskim bistro «Pit Stop», što znachodzicca na vulicy Niezaležnaści, 154D.
Pavodle słoŭ Michaiła, u adździaleńni znachodziacca jašče niekalki čałaviek, jakija taksama atrucilisia ŭ hetym samym restaranie.