Čym ciapier zajmajecca Ksienija Dziahielka?
Ksienija Dziahielka (Šamiakova), jakaja zapomniłasia ahniavym vykanańniem patryjatyčnaha repa «Ja ź vioski», asvoiła novuju prafiesiju.
Ksienija Dziahielka. Fota: degelko / Instagram
Dziaŭčyna pažartavała ŭ instahramie, što ciapier žyvie za košt mužčyn. Takim čynam jana raspaviała, što vyvučyłasia na barbiera — mužčynskaha cyrulnika.
Ksienija z mužam i dačkoj ciapier žyvie ŭ Vilni. Zapisacca da jaje na stryžku moža luby achvotny praź śpiecyjalny servis pasłuh Treatwell.
Mužčynskaja fryzura ad Ksienii Dziahielka abydziecca ŭ 25 jeŭra, razam z układkaj barady budzie kaštavać 40 jeŭra.
Maleńkich dzietak Ksienija stryže za 20 jeŭra. Taksama jana moža vykanać depilacyju tvaru voskam.
Skrynšot storys: degelko / Instagram
Ksienija Dziahielka naradziłasia ŭ pasiołku Akciabrski Homielskaj vobłaści. Pieśniu «Ja ź vioski» dla jaje napisaŭ miascovy błohier Andrej Pavuk. Rep pijanierki z ahitacyjaj kuplać usio biełaruskaje i luboŭ da radzimy zavirusiŭsia — na siońnia jaho pahladzieła bolš za 1,5 miljona čałaviek.
Paśla vypusku sa škoły Ksienija skončyła Univiersitet kultury, vyjšła zamuž i naradziła dačku.