Pieršyja siem izrailskich zakładnikaŭ pieradadzienyja Čyrvonamu Kryžu
Siem zakładnikaŭ pieradadzieny Čyrvonamu Kryžu, usie iduć svaim chodam, paviedamlaje 9 kanał.
Heta Ejtan Mor, Matan Anhrest, Ałon Ochiel, Hali Bierman, Ziŭ Bierman, Omry Miran, Hal Hilboa-Dałal.
CHAMAS zabaraniaje zdymać praces pieradačy zakładnikaŭ Čyrvonamu Kryžu. Bajeviki na miescach pahražajuć zbrojaj.
Raniej urad Izraila zajaviŭ, što čakaje vyzvaleńnia ŭsich 20 žyvych zakładnikaŭ, što ŭtrymlivajucca ŭ siektary Haza, u paniadziełak a 8:00 pa minskim časie. Praces pieradačy pavinien skončycca a 10-j.
Zakładnikaŭ adnačasova pieradaduć Čyrvonamu Kryžu. Zatym ich dastaviać na vajennuju bazu, a paśla, pry nieabchodnaści, u balnicy. Astanki zahinułych nakirujuć na apaznańnie. Usiaho ŭ siektary Haza znachodziacca 48 izrailskich zakładnikaŭ.
Raniej CHAMAS pieradaŭ śpis i fota 20 zakładnikaŭ.