Vieniesueła zakryvaje pasolstva ŭ Narviehii paśla prysudžeńnia Nobieleŭskaj premii miru Maryi Karynie Mačada
U svajoj zajavie ŭłady Vieniesueły nie zhadvajuć pra rašeńnie Nobieleŭskaha kamiteta prysudzić premiju lidaru vieniesuelskaj apazicyi i śćviardžajuć, što pasolstva zakryta ŭ ramkach restrukturyzacyi dypłamatyčnych pradstaŭnictvaŭ krainy pa ŭsim śviecie, paviedamlaje Bi-bi-si.
Maryja Karyna Mačada. Fota: Jesus Vargas/Getty Images
MZS Narviehii zajaviŭ, što Karakas zakryŭ svajo pasolstva ŭ Osła, nie daŭšy nijakaha tłumačeńnia, i nazvaŭ heta rašeńnie «vartym škadavańnia».
Narviežski Nobieleŭski kamitet zajaviŭ, što Mačada atrymała Premiju miru za «niastomnuju pracu pa prasoŭvańni demakratyčnych pravoŭ dla naroda Vieniesueły i za jaje zmahańnie, nakiravanaje na spraviadlivy i mirny pierachod ad dyktatury da demakratyi».
Maryja Karyna Mačada stała adzinym kandydatam ad apazicyi na vybarach prezidenta Vieniesueły ŭ 2024 hodzie, ale ŭłady zabłakavali jaje kandydaturu.
U intervju BBC Mundo (ispanamoŭnaj słužbie Bi-bi-si) Mačada zajaviła, što Premija miru stała najvažniejšym krokam dla jaje palityčnaha ruchu.
Čytajcie taksama:
Nobieleŭskuju premiju miru atrymała lidarka vieniesuelskaj apazicyi Maryja Karyna Mačada
Łukašenka aburyŭsia, što Nobieleŭskuju premiju dali nie Trampu
Vieniesuelskaja łaŭreatka Nobieleŭskaj premii miru pryśviaciła jaje svajmu narodu i Donaldu Trampu
Tramp pra nobieleŭskuju łaŭreatku ź Vieniesueły: Mahła b addać premiju mnie