DAI ŭzmacniła kantrol za pieravozkaj pasažyraŭ u maršrutkach

Dziaržaŭtainśpiekcyja z 14 pa 22 kastryčnika pravodzić prafiłaktyčnaje mierapryjemstva pa pavyšeńni biaśpieki pieravozak pasažyraŭ maršrutnymi mikraaŭtobusami ŭ rehularnych mižharodnich i pryharadnych znosinach, paviedamili ŭ MUS.

Fota ilustracyjnaje

Asnoŭnaja meta zajaŭlenaj pravierki — prafiłaktyka parušeńniaŭ, jakija robiacca kiroŭcami maršrutnaha transpartu i słužbovymi asobami pieravozčykaŭ.

Narady DPS pa ŭsioj krainie buduć kantralavać vykanańnie pravił darožnaha ruchu i pieravozki pasažyraŭ. Asablivuju ŭvahu nadaduć spynieńniu faktaŭ ekspłuatacyi niaspraŭnaha transpartu, pieravyšeńnia chutkasnych abmiežavańniaŭ, pravił manieŭravańnia i abhonu, prajezdu na zabaranialny sihnał śviatłafora i pieravozki pasažyraŭ, nie pryšpilenych ramianiami biaśpieki.

U vypadku vyjaŭleńnia parušeńniaŭ, źviazanych z paradkam dopusku kiroŭcaŭ i niaspraŭnaha transpartu da pieravozki pasažyraŭ, kiraŭnikoŭ arhanizacyj buduć štrafavać.

Kamientary da artykuła