Łukašenka hatovy admovicca ad Nobieleŭskaj premii

Pra heta jon zajaviŭ na naradzie pa pytańniach mižnarodnaj abstanoŭki i raźvićcia biełaruska-amierykanskich adnosin.

Alaksandr Łukašenka. Fota: Contributor / Getty Image

«Ja časam tak dumaju: nu, kali kamuści z vas ci mnie prapanavali hetuju premiju, ja b voś dakładna ad jaje admoviŭsia!», — zajaviŭ Łukašenka.

Na videa vidać, što kiraŭnik jahonaj administracyi Dźmitryj Kruty i hienieralny prakuror Andrej Švied staranna natujuć na papiery hetyja dumki. 

Skazana heta było ŭ kantekście, što prezidentu ZŠA Donaldu Trampu, maŭlaŭ, nie varta pieražyvać praź nieatrymańnie premii, bo «być u šerahu hetych adščapiencaŭ tam, napeŭna, jamu nie da miesca».

Łukašenka taksama raskrytykavaŭ rašeńnie Nobieleŭskaha kamiteta ab prysudžeńni premii miru «apazicyjaniercy ź Vieniesueły», adznačyŭšy, što nibyta ničoha nie viedaje pra jaje palityku: «Nu voś uziali i dali, tamu što jana zmahałasia za razbureńnie Vieniesueły. Heta narmalna?»

Kamientary da artykuła