U Mahilovie hareŭ internat
Ranicaj 14 kastryčnika ŭ Mahilovie ŭźnik pažar u internacie na vulicy Simanava, paviedamlaje MNS.
Skrynšot ź videa
Kali ratavalniki prybyli na miesca, z akna na trecim paviersie ŭžo išoŭ dym. U adnym z pakojaŭ znajšli piensijanierku, jakaja nie mahła samastojna ruchacca. Žančynu evakujavali i pieradali miedykam, jakija dastavili jaje ŭ balnicu dla nazirańnia.
Akramia taho, ratavalniki evakujavali troch dziaciej z treciaha i piataha pavierchaŭ. Jašče 12 čałaviek, siarod ich dvoje dziaciej, pakinuli budynak samastojna.
Pryčyny ŭźniknieńnia pažaru vyśviatlajucca.