U Hrodnie testujuć niezvyčajnuju iluminacyju na kole ahladu. Heta varta pabačyć
U haradskim parku Hrodna madernizujuć koła ahladu. Hałoŭnaj navinkaj stała iluminacyja: na atrakcyjon ustalavali sučasnuju śviatłodyjodnuju sistemu, jakaja dazvalaje tranśliravać raznastajnyja malunki i nadpisy, piša «Točka»
Mahčymaści navinki ŭžo pratestavali — na kole ahladu pyrchali matylki, vyskokvali z vady delfiny i lotali pavietranyja šary.
Majstry zaviaršajuć ładzić abstalavańnia, i ŭžo chutka ŭ Hrodnie źjavicca jašče adno miesca, jakoje budzie pryciahvać miascovych žycharoŭ i haściej horada. Ale dakładnaj daty pakul nie nazyvajuć.