Kanał «Biełorusskij siłovik» zasypany rekłamaj viarboŭki na vajnu va Ukrainie
Telehram-kanał «Biełorusskij siłovik», jaki źviazvajuć z łukašenkaŭskimi siłavymi strukturami, aktyŭna zaachvočvaje biełarusaŭ iści vajavać za hrošy suprać Ukrainy.
Skrynšot z abviestki ŭ kanale
Viarboŭščyki prapanujuć na siońnia 37 500 dalaraŭ razavaj vypłataj i 69 000 dalaraŭ za pieršy hod słužby. Hetyja kaśmičnyja dla Biełarusi i Rasii ličby — nastaŭnik, šafior ci ratavalnik zarablajuć za hod u 15 razoŭ mienš — pakazvajuć stupień «miasnoha hoładu» ŭ rasijskaj armii.
Resursy, jakija pościać rekłamu takoj «słužby pa kantrakcie», zarablajuć hrošy dasłoŭna na čužoj kryvi. Bolšaść padmanutych takimi abviestkami hinuć u toj ža pieršy hod.