U Biełarusi vyniesieny čarhovy prysud pa spravie ab hienacydzie
Viarchoŭny sud Biełarusi pryznaŭ pamierłaha ŭ kancy minułaha stahodździa pamahataha nacystaŭ Vosipa Vinickaha vinavatym u ździajśnieńni hienacydu ŭ hady Vialikaj Ajčynnaj vajny.
Fota: BiełTA
Instancyja vyniesła abvinavaŭčy prysud biez pryznačeńnia pakarańnia. Heta ŭžo čaćviorty pa liku karnik, jakoha sudzili ŭ Biełarusi za hienacyd, piša Tochka.by.
Padčas niamieckaj akupacyi BSSR Vinicki pravodziŭ karnyja apieracyi na terytoryi Minskaj, Viciebskaj i Hrodzienskaj abłaściej i naŭmysna pazbaviŭ žyćcia nie mienš jak 403 čałaviek, u tym liku minimum 146 dziaciej.
«Pryznać Vosipa Vinickaha vinavatym u hienacydzie — dziejańniach, ździejśnienych z metaj płanamiernaha źniščeńnia biełaruskaha naroda jak nacyjanalnaj i etničnaj hrupy šlacham zabojstva i pryčynieńnia ciažkich cialesnych paškodžańniaŭ», — ahučyli rašeńnie ŭ sudzie.
Vinicki paśla vajny žyŭ u Kanadzie, dzie i pamior u 1997 hodzie. U niekatorych krynicach jon fihuruje pad imiem Iosif.
Nastupnym pamahatym nacystaŭ, u dačynieńni da jakoha pačniecca kryminalny praces, stanie Alaksandr Jarmolčyk.
U historyi suvierennaj Biełarusi heta była čaćviortaja kryminalnaja sprava ŭ dačynieńni da nacysckich karnikaŭ, nakiravanaja ŭ sud. Raniej takim čynam byli asudžanyja Uładzimir Katruk, Kanstancin Smoŭski i Siamion Sierafimovič.