«Viasna»: Nie mienš za 106 čałaviek aryštavanyja pa spravie Hajuna

«Viasna» maje infarmacyju pra jak minimum 106 paćvierdžanych fihurantaŭ spravy Hajuna jakich źmiaścili pad vartu. Ahulnaja ž ličba zatrymanych značna bolš.

Zatrymańni adbyvajucca pa ŭsioj Biełarusi da hetaha času. Na pačatku kastryčnika zatrymali minimum dvuch mužčyn, piša «Viasna».

Z pačatku vieraśnia ŭ «Śpis ekstremistaŭ» dadali 68 čałaviek, asudžanych za «sadziejničańnie ekstremizmu». Heta bolš čym tracina ad usich ludziej, jakich dadali ŭ śpis za hety čas. Častka z hetych ludziej — fihuranty «spravy Hajuna», pra jakich nieviadoma pravaabaroncam.

Taksama ŭ Biełarusi amal kožny dzień adbyvajucca sudy pa hetaj spravie. Fihurantam pryznačajuć jak chimiju z nakiravańniem, tak i kałoniju. Spravy niekatorych ludziej pieradajuć ź Minsku ŭ rehijanalnyja sudy.

Kamientary da artykuła