Pamior zasnavalnik i bas-hitaryst Limp Bizkit Sem Ryviers
Va ŭzroście 48 hadoŭ pamior Sem Ryviers, šmathadovy basist Limp Bizkit i adzin z zasnavalnikaŭ papularnaha hurta.
Sem Ryviers. Fota: Amy Harris / Invision / AP
Pra jaho śmierć kalektyŭ paviedamiŭ učora ŭviečary: «Siońnia my stracili našaha brata. Člena našaha hurta. Naša serca», — havorycca ŭ paviedamleńni Limp Bizkit.
Pryčyna śmierci pakul nieviadomaja.
«My padzialili tak šmat imhnieńniaŭ — dzikich, cichich, cudoŭnych — i kožnaje ź ich było asablivym, tamu što z nami byŭ Sem. Jon byŭ čałaviekam, jaki naradžajecca raz u žyćci, i jaho duch budzie žyć — u kožnym rytmie, na kožnaj scenie, u kožnym našym uspaminie», — dadaŭ hurt.