Biełarus pakryŭ zapazyčanaść za ŭziaty ŭ rasterminoŭku telefon tolki paśla kanfiskacyi televizara

U Mazyry 47‑hadovy miascovy žychar, jaki ŭziaŭ telefon u rasterminoŭku, pierastaŭ unosić płaciažy i nazapasiŭ zapazyčanaść kala 600 rubloŭ. Situacyja vyrašyłasia tolki paśla taho, jak suprać jaho prymianili strohija miery, paviedamlaje Hałoŭnaje ŭpraŭleńnie justycyi Homielskaha abłvykankama.

Fota ilustracyjnaje

Niahledziačy na šmatlikija papiaredžańni i sproby źviazacca z mužčynam, jon uchilaŭsia ad vykanańnia svaich finansavych abaviazkaŭ, spasyłajučysia na adsutnaść pracy i srodkaŭ.

Situacyja niečakana vyrašyłasia padčas rejdu sudovych vykanaŭcaŭ. Tyja zastali daŭžnika doma — jon hladzieŭ naviny na vialikim 65‑dziujmovym televizary LG. Mienavita hety televizar i byŭ apisany dy kanfiskavany ŭ zalik pakryćcia zapazyčanaści.

Miera akazałasia dziejsnaj: praź niekalki dzion mužčyna pryjšoŭ u Mazyrski rajonny adździeł prymusovaha vykanańnia, całkam vypłaciŭ zapazyčanaść i viarnuŭ sabie svoj televizar.

Kamientary da artykuła