Śpiecnaz uvarvaŭsia na tenisnyja matčy ŭ Minsku i zatrymaŭ udzielnic i sudździaŭ VIDEA
Na kortach pravodzilisia fejkavyja matčy na patrebu bukmiekieraŭ.
Anłajn-hledačy amatarskaha tenisnaha turnira 1xbet mahli ŭbačyć u žyvym efiry fiejeryčnuju karcinu. U zału zachodziać biełaruskija śpiecnazaŭcy, staviać da ścienki sudździaŭ i tenisistak. Na hetym matč skančvajecca.
Na tytrach vidać imiony Hanny Sierhiel i Maryi Savickaj. Heta realnyja biełaruskija tenisistki.
My apaznali korty, na jakich adbyvalisia tenisnyja matčy. Padobna, heta «AvanteKłub» kala stancyi mietro «Michałova» ŭ Minsku i «Top Śpin» na staličnaj vulicy Malinina.
Što zacikaviła siłavikoŭ? Chutčej za ŭsio, čarhovy fejkavy turnir, arhanizavany na patrebu bukmiekieraŭ. Na takija spabornictvy prymajucca staŭki, ale chod hulni pradvyznačany i dapamahaje bukmiekieram streści hrošy z hulcoŭ.
Padrabiazna pra hetuju machlarskuju schiemu raskazvałasia ŭ rasśledavańni prajekta Bellingcat.