U Čašnickim rajonie mužčyna katavaŭ žonku brata i pahražaŭ jaje zabić
Jak paviedamlaje Śledčy kamitet, 22 kastryčnika 59‑hadovy žychar Čašnickaha rajona prymaŭ u haściach 47‑hadovuju žonku brata. Jany razam vypivali, a kali ałkaholnyja napoi skončylisia, pajšli praciahvać dachaty da žančyny. I tam pamiž svajakami ŭźnik kanflikt.
Fota: Śledčy kamitet
Padčas kanfliktu mužčyna staŭ źbivać žančynu, dušyć jaje ramianiom, źviazaŭ ruki i nohi provadam ad padaŭžalnika i pahražaŭ joj, navat padpalvajučy adzieńnie žančyny.
Urešcie joj udałosia ŭciačy da susieda i patelefanavać u milicyju. Mužčyna ŭ hety čas chavaŭsia ŭ kustach pobač z nasielenym punktam, dzie byŭ znojdzieny śpiačym.
Raniej jon užo pryciahvaŭsia da kryminalnaj adkaznaści, a ciapier znachodzicca pad vartaj. Śledčyja praciahvajuć vyśviatlać usie abstaviny zdareńnia.
Čytajcie taksama:
U Breście 22‑hadovamu biaspraŭniku dali chimiju i vielizarny štraf
Dajarka padrabiła sabie balničny, bo była nie ŭ stanie vyjści na pracu