Alimpijskija čempijony pa batucie Ivan Litvinovič i Vijaleta Bardziłoŭskaja razyšlisia
Alimpijski čempijon Tokia-2020 i Paryža-2024 pa skačkach na batucie Ivan Litvinovič i srebnaja pryziorka Alimpijady-2024 Vijaleta Bardziłoŭskaja rasstalisia, paviedamili sami spartsmieny ŭ intervju Onliner. Para zajaviła, što im udałosia zachavać dobryja siabroŭskija adnosiny.
Ivan Litvinovič i Vijaleta Bardziłoŭskaja. Fota: Onliner
Pra ich ramantyčnyja stasunki publična stała viadoma ŭ mai 2024 hoda, kali Vijaleta Bardziłoŭskaja adśviatkavała pacałunkam ź Ivanam atrymańnie svajoj alimpijskaj licenzii.
Fota: sacsietki Ivana Litvinoviča
Ciapier ža na pytańnie žurnalista, kolki jany ŭžo razam, Ivan Litvinovič adkazaŭ:
«My ŭžo nie razam. Ale zmahli zachavać dobryja siabroŭskija adnosiny».
Pa słovach Vijalety, jany paznajomilisia ŭ zale ŭ 2023 hodzie. Adnosiny pačali raźvivacca paśla sumiesnaj pajezdki kamandy na adpačynak u Turcyju.
Litvinovič adznačyŭ, što ŭ ich byŭ adzin vialiki ahulny intares — batut, na jakim jany i syšlisia.
Abodva spartsmieny trenirujucca ŭ Viciebsku ŭ adnaho treniera — Volhi Ułasavaj. Litvinovič pryznaŭsia, što budavać adnosiny ŭ spartyŭnaj supolnaści ciažka: «Kali ŭ kahości niešta nie atrymlivajecca, abaviazkova pačynajuć kazać, što heta «adnosiny vinavatyja, tolki pra ich dumajecie i mienš uvahi addajacie sportu».