Litoŭskaja čyhunka pierastanie vazić rasijskuju naftu ŭ Kalininhrad
Kampanija «Litoŭskija čyhunki» abviaściła, što spynić tranzit rasijskaj nafty, u tym liku pradukcyi «Łukojła», u Kalininhradskuju vobłaść. Kampanija budzie vykonvać sankcyi ZŠA i Vialikabrytanii, jakija abmiažoŭvajuć prodaž rasijskaj nafty i psichatropnych rečyvaŭ. Pry hetym sami «Litoŭskija čyhunki» nie majuć pramych damoŭnych adnosin z «Łukojłam» abo «Rasnaftaj» — transpartavańnie robicca praz ekśpiedytarskija kampanii, paviedamlaje LRT.
Fota ilustracyjnaje
Sankcyi ZŠA i Vialikabrytanii ŭstupajuć u siłu z 21 listapada i praduhledžvajuć zamarožvańnie aktyvaŭ «Łukojła» i «Rasnafty» ŭ ZŠA, a taksama zabaronu na ździełki ź imi amierykanskim kampanijam. Abmiežavańni tyčacca i trecich krain, naprykład bankaŭ, jakija mahli b sadziejničać prodažu nafty. «Litoŭskija čyhunki» buduć trymacca hetych pravił i spyniać usie pieravozki, dzie ŭ łancužku prysutničajuć sankcyjanavanyja kampanii.
Zhodna z abmiežavańniami Jeŭrasajuza, sa śniežnia 2022 hoda praz terytoryju ES zabaroniena pieravozić rasijskija naftapradukty, akramia tolki trubapravodaŭ. Dla tranzitu ŭ Kalininhrad dziejničaje vyklučeńnie: dazvolena pieravozić tolki tavary pieršaj nieabchodnaści čyhunačnym transpartam.
Ministerstva finansaŭ ZŠA prahnazuje, što novyja sankcyi mohuć pazbavić Rasiju da 30% dachodaŭ ad nafty i hazu.
Čytajcie taksama:
«Łukojł» źbirajecca pradać svaje zamiežnyja aktyvy paśla ŭviadzieńnia amierykanskich sankcyj
ZŠA rychtujuć novyja sankcyi suprać Rasii i čakajuć aktyŭnaści ad Jeŭropy