Inflacyja nie bolš za 7%: zaćvierdžanyja asnoŭnyja ekanamičnyja pakazčyki na nastupny hod
Alaksandr Łukašenka 3 listapada padpisaŭ ukaz №385, jakim zaćvierdžanyja najvažniejšyja prahnoznyja paramietry raźvićcia krainy na 2026 hod.
Fota: Pavel Bednyakov / AP
Rost vałavoha ŭnutranaha praduktu vyznačany na ŭzroŭni 102,8% da ŭzroŭniu 2025 hoda, čamu pavinny spryjać naroščvańnie inviestycyj u asnoŭny kapitał, rost ekspartu tavaraŭ i pasłuh i rost dachodaŭ nasielnictva.
Płanujecca, što na inviestycyjnyja mety ŭ nastupnym hodzie za košt usich krynic finansavańnia budzie nakiravana na 3,1% bolš, čym u 2025 hodzie.
Ekspart tavaraŭ i pasłuh pavialičycca na 3,7% ź pieravažnym naroščvańniem jaho fizičnych abjomaŭ. Dla hetaha praduhledžanaje pašyreńnie supracoŭnictva z krainami dalokaj duhi i adnaŭleńnie prysutnaści na tradycyjnych rynkach zbytu krain SND.
Praduhledžvajecca rost realnych hrašovych dachodaŭ nasielnictva na 4,8%.
Dla Nacyjanalnaha banka i ŭrada budzie zadača abmiežavać inflacyju na ŭzroŭni, jaki nie pieravyšaje 7%.