Pjany biełaruski dalnabojščyk ledź nie ŭrezaŭsia ŭ handlovy centr u Polščy. Jaho departavali

U Lublinie 42‑hadovy hramadzianin Biełarusi na hruzaviku Scania ŭrezaŭsia ŭ stalovuju kanstrukcyju, jakaja aharodžvaje handlovy centr. Pamiaŭ kabinu, ale sam nie paciarpieŭ. Test pakazaŭ 2,5 pramile ałkaholu, piša Most.

Fota: Policja Lubelska

Jak udakładniaje partał Lublin112, incydent adbyŭsia 31 kastryčnika, u druhoj pałovie dnia. Biełarus jechaŭ z boku centra i raptam paviarnuŭ da handlovaha centra Felicity.

Praihnaravaŭšy znak, jaki zabaraniaje ruch transpartnych srodkaŭ vyšynioj bolš za 2,4 mietra, kiroŭca ŭrezaŭsia ŭ stalovuju kanstrukcyju, jakaja abmiažoŭvaje habaryty aŭtamabilaŭ. Kabina hruzavika akazałasia mocna pamiataj.

Słužby, jakija prybyli na miesca zdareńnia — palicyja, ratavalniki i miedyki, — zafiksavali, što kiroŭca žyvy i navat nie paciarpieŭ. Ale akazałasia, što jon byŭ mocna pjany. Mahčyma, biełarus vypivaŭ navat padčas ruchu: u kabinie znajšli adkrytuju blašanku piva.

Kiroŭca nie zmoh patłumačyć, navošta paviarnuŭ da handlovaha centra. Palicyjanty zatrymali jaho.

Paśla taho mužčynu chutka departavali ŭ Biełaruś. Ciapier jamu na piać hadoŭ zabaronieny ŭjezd u krainy Šenhienskaj zony.

Kamientary da artykuła