Rasijanki kažuć, što ŭ ich masava vypadajuć brovy z-za biełaruskaha hiela

Telehram-kanał Baza paviedamiŭ, što prablemy ŭźnikli z razrekłamavanym u Rasii biełaruskim hielem dla brovaŭ Luxvisage.

Jak zajaŭlajuć sami vytvorcy, hiel zabiaśpiečvaje idealna vykładzienyja brovy, jakija trymajucca 24 hadziny pad «bietonnaj fiksacyjaj».

Ź fiksacyjaj hiel sapraŭdy dobra spraŭlajecca. U sacsietkach na jaho šmat dobrych vodhukaŭ.

Adnak, jak piša Baza, praz 3‑4 miesiacy vykarystańnia ad mnohich dziaŭčat z Rasii pasypalisia skarhi. Brovy stali radzieć, pakolki vałasy łamalisia i vypadali pry źniaćci makijažu: hiel davoli składana zmyć, jon litaralna jak klej, ździrajecca razam z vałasinkami. Niekatoryja adznačajuć, što nie mohuć zmyć jaho navat alejami.

Baza śćviardžaje, što ŭsia sprava ŭ ahresiŭnym składzie pradukta — u hieli nibyta znajšli sumieś plonkaŭtvaralnych palimieraŭ.

Raniej kaśmietyku ad Luxvisage rekłamavała i błohierka Ksienija Sabčak (tuš i hiel dla brovaŭ, praŭda, inšy).

Kamientary da artykuła