Mintrans znajšoŭ parušeńni pry pieravozcy pasažyraŭ u kožnaj treciaj maršrutcy

Ministerstva transpartu pravodzić šyrokamaštabnyja rejdy pa praviercy maršrutnych taksi. Razam z supracoŭnikami DAI inśpiektary praviarajuć, jak vykonvajucca praviły pieravozki pasažyraŭ, paviedamlaje pres-słužba viedamstva.

Fota ilustracyjnaje

Z 15 pa 31 kastryčnika było pravierana 413 aŭtobusaŭ katehoryi M2, što ździajśniajuć rehularnyja rejsy. Parušeńni vyjavili ŭ 141 vypadku — heta amal kožnaja treciaja maršrutka.

Najbolš raspaŭsiudžanyja parušeńni:

• pieravozka pasažyraŭ zvyš dazvolenaj kolkaści (30 vypadkaŭ);
• ekspłuatacyja niaspraŭnaha transpartu (22 vypadki);
• adsutnaść nieabchodnych dakumientaŭ u kiroŭcy (18 vypadkaŭ);
• parušeńni ŭ afarmleńni transpartnaha srodku (14 vypadkaŭ).

U Mintransie padkreślili, što pravierki pravodziacca dziela pavyšeńnia biaśpieki pieravozak. Asnoŭnaja ŭvaha nadajecca techničnamu stanu aŭtobusaŭ, zachavańniu chutkasnaha režymu i vykarystańniu ramianioŭ biaśpieki.

Kamientary da artykuła