U Dahiestanie raźbiŭsia pryvatny viertalot, zahinuli čatyry čałavieki
7 listapada ŭ rajonie nasielenaha punkta Ačy-Su ŭ rasijskim Dahiestanie adbyłasia avijakatastrofa. Upaŭ pryvatny viertalot Ka-226, jaki naležaŭ akcyjaniernamu tavarystvu «Kiźlarski elektramiechaničny zavod».
Fota: MNS Rasii
Pavodle źviestak Ministerstva achovy zdaroŭja Dahiestana, u vyniku krušeńnia zahinuli čatyry čałavieki, jašče troje atrymali ciažkija traŭmy, adzin ź ich znachodzicca ŭ krytyčnym stanie.
Papiarednie viadoma, što na borcie znachodzilisia supracoŭniki zavoda, u tym liku syn kiraŭnika pradpryjemstva. Padčas padzieńnia viertalot urezaŭsia ŭ pryvatny dom u pasieliščy Ačy-Su, paśla čaho ŭźnik pažar. U domie, praŭda, nikoha nie było, bo ŭ im uvohule nichto nie žyŭ.
Pavodle papiaredniaj infarmacyi, pryčynaj katastrofy stała techničnaja niaspraŭnaść viertalota.
Čytajcie taksama:
U Turcyi zabity ŭładalnik telehram-kanała «Utro Dahiestan»
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma