U pramysłovaj zonie Buenas-Ajresa prahrymieła niekalki vybuchaŭ i ŭźnik mocny pažar
U pramysłovaj zonie na ŭskrainie stalicy Arhienciny Buenas-Ajresa adbyłasia sieryja vybuchaŭ, paśla jakich uźnik mocny pažar. Mer horada Esiejsa Haston Hranadas paviedamiŭ, što połymia achapiła niekalki pradpryjemstvaŭ i situacyja vyhladaje vielmi ciažkaj, piša Euronews.
Fota: Catriel Gallucci Bordoni/NurPhoto via Getty Images
Pavodle źviestak ŚMI, paciarpieli bolš za 20 čałaviek — ich dastavili ŭ balnicy. Na kadrach ź industryjalnaha parku Śpiehacini vidać značnyja razbureńni, na miesca nadzvyčajnaj situacyi vyjechali pažarniki i chutkija.
Ahoń raspaŭsiudziŭsia na piać zavodaŭ, u tym liku chimičny i pa vytvorčaści šyn. Pryčyna vybuchaŭ pakul nieviadomaja.
Z-za hustoha dymu pahoršyłasia bačnaść, niekalki rejsaŭ ź mižnarodnaha aeraporta Ministra Pistaryni daviałosia pieranakiravać abo zatrymać.
Čytajcie taksama:
U vyniku abstrełu Kijeva zahinuła ŭdava pieršaj achviary Čarnobylskaj katastrofy
U stalicy Indyi vybuchnuŭ aŭtamabil, dziasiatki zahinułych i paciarpiełych
U turmie ŭ Ekvadory znajšli dziasiatki paviešanych viaźniaŭ
U Bośnii padčas pažaru ŭ domie sastarełych zahinuli 10 čałaviek