U vyniku abstrełu Kijeva zahinuła ŭdava pieršaj achviary Čarnobylskaj katastrofy
Da siami asob uzrasła kolkaść zahinułych praz kambinavanuju masiravanuju ataku rasijskich vojskaŭ u noč na 14 listapada, paviedamlaje novynarnia.com
«Stała viadoma, što siońnia ranicaj u balnicy pamierła pažyłaja žančyna, jakaja paciarpieła padčas abstrełu 14 listapada. Kolkaść zahinułych kijaŭlan ad ruk rasijskich terarystaŭ składaje siem asob», — raspavioŭ kiraŭnik Kijeŭskaj haradskoj vajskovaj administracyi Cimur Tkačenka.
Jak paviedamili ŭ efiry telemarafonu «Adzinyja naviny», zahinułaja — udava pieršaj achviary Čarnobylskaj katastrofy Natalla Chadziamčuk, jakaja paśla ataki znachodziłasia ŭ balnicy sa značnymi apiokami: było paškodžana kala 45% pavierchni cieła.
Akramia hetaha, žančyna atrymała apiok dychalnych šlachoŭ. Pahoršyła situacyju toje, što ŭ jaje byŭ cukrovy dyjabiet druhoha typu, išemičnaja chvaroba serca i hipiertaničnaja chvaroba serca.
U jaje dom ulacieŭ šachied, paškodžanyja kvatery na 6, 7 i 8 pavierchach.
U hetym domie žyli byłyja supracoŭniki ČAES i ichnija siemji, jakich u 1986 hodzie evakujavali z horada Prypiać. Mienavita ŭ hetym domie atrymali kvatery ŭdovy pieršych zahinułych rabotnikaŭ stancyi. Siarod ich — Natalla Chadziamčuk.
Jaje muž Valeryj Chadziamčuk byŭ staršym apierataram hałoŭnaha cyrkulacyjnaha nasosa 4‑ha enierhabłoka reaktarnaha cecha ČAES. Padčas vybuchu jon znachodziŭsia na pracoŭnym miescy pobač z hałoŭnymi cyrkulacyjnymi nasosami i staŭ pieršaj achviaraj katastrofy. Jon tak i zastaŭsia pachavanym pad zavałami 4‑ha enierhabłoka.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary