Papularnaha homielskaha błohiera nie zabrali ŭ armiju, jon prosta pijaryŭ siłavikoŭ

27 listapada homielski błohier-miljońnik Anatol Rubakha Go abviaściŭ, što nibyta jaho zabrali ŭ armiju i jon trapiŭ na słužbu ŭ śpiecnaz unutranych vojskaŭ. Paśla taho rabiŭ z hetaj słužby videaroliki. A 1 śniežnia vykłaŭ videa, u jakim skazaŭ, što nasamreč da słužby nieprydatny i padziakavaŭ vajskoŭcam za «ciopły pryjom».

Skrynšot z adnaho z rolikaŭ

Uvieś hety čas błohier stvaraŭ, jak adznačali kamientatary, pakaznuju i zusim nie realistyčnuju karcinu sałdackaha žyćcia.

U videa jon adznačaŭ aficyjnyja vajskovyja pabliki, demanstravaŭ «smačnyja» abiedy, stralbu z aŭtamata, paloty drona, rabiŭ ahulnyja fota na fonie čyrvona-zialonaha ściaha.

@rubakhago @vvmvd_rb ♬ orihinalnyj zvuk - Rubakha Go

Była takaja rekłama ŭnutranych vojskaŭ asabistaj inicyjatyvaj błohiera ci jamu zrabili prapanovu, ad jakoj było niemahčyma admovicca, — Anatol nie patłumačyŭ.

Kamientary da artykuła