3 śniežnia Jeŭrasajuz abmiarkuje novyja sankcyi
3 śniežnia pastajannyja pradstaŭniki krain Jeŭrapiejskaha sajuza pry Radzie ES płanujuć abmierkavać novy pakiet sankcyj — heta pytańnie ŭžo ŭklučana ŭ paradak dnia.
Zdymak ilustracyjny: Thierry Monasse / Getty Images
Miarkujecca, što na pasiadžeńni budzie razhledžana prapanova viarchoŭnaha pradstaŭnika ES pa zamiežnych spravach i biaśpiecy adnosna abmiežavalnych mier suprać dziejańniaŭ, jakija pahražajuć suvierenitetu, niezaležnaści i terytaryjalnaj cełasnaści Ukrainy.
Pavodle papiarednich acenak, sankcyi mohuć tyčycca tak zvanaha cieniavoha fłotu Rasii.
Raniej kiraŭnica jeŭrapiejskaj dypłamatyi Kaja Kałłas adznačała, što hetyja miery mohuć być uviedzienyja jašče da kanca hoda — raniej za abmierkavańnie 20‑ha sankcyjnaha pakieta, jakoje zapłanavana tolki na studzień.
Čytajcie taksama:
Fon der Lajen anansavała novyja sankcyi ES suprać Biełarusi za hibrydnyja ataki
Rasija stračvaje kantrol nad Uschodniaj Jeŭropaj — ale razmova nie pra Biełaruś
U Čornym mory harać užo dva tankiery z rasijskaha cieniavoha fłotu