ZŠA hatovyja ŭvieści dadatkovyja sankcyi suprać Rasii, ale pakul čakajuć rašučych krokaŭ z boku Jeŭropy
Novyja sankcyjnyja miery padrychtavanyja administracyjaj Donalda Trampa na vypadak, kali Pucin praciahnie adkładać spynieńnie vajny va Ukrainie. Častka hetych sankcyj nakiravana suprać bankaŭskaha siektara Rasii i infrastruktury, jakaja vykarystoŭvajecca dla pastavak nafty na suśvietny rynak.
Pra heta paviedamlaje Reuters sa spasyłkaj na krynicy, piša RBK-Ukraina.
Raniej ukrainskija ŭłady prapanavali ZŠA ŭvieści dadatkovyja sankcyi, u tym liku adklučyć usie rasijskija banki ad dołaravaj sistemy. Adnak pakul nieviadoma, nakolki surjozna Vašynhton razhladaje hetyja prapanovy.
Tym časam u Sienacie ZŠA znoŭ aktyvizavalisia sproby adnavić razhlad dvuchpartyjnaha zakonaprajekta ab sankcyjach, jaki raniej byŭ zamarožany. Pavodle krynicy, blizkaj da administracyi, Tramp hatovy padtrymać hety pakiet, ale ŭ najbližejšy čas jaho zaćviardžeńnie małavierahodnaje.
Pa słovach vysokapastaŭlenaha amierykanskaha čynoŭnika, ciapier ZŠA chacieli b, kab jeŭrapiejskija sajuźniki zrabili nastupny krok suprać Rasii — uviali novyja sankcyi i myty. Inšaja krynica paviedamiła, što Tramp, vierahodna, voźmie paŭzu na niekalki tydniaŭ, kab acanić reakcyju Maskvy na niadaŭna abjaŭlenyja abmiežavańni suprać «Łukojła» i «Rasnafty».
Akramia taho, ZŠA zajavili, što padtrymlivajuć ideju vykarystańnia Jeŭrasajuzam zamarožanych rasijskich aktyvaŭ dla zakupki amierykanskaj zbroi dla Ukrainy. Pavodle jašče dvuch krynic, u Vašynhtonie ŭžo pačalisia ŭnutranyja pieramovy ab vykarystańni rasijskich aktyvaŭ, jakija znachodziacca ŭ ZŠA, dla padtrymki ŭkrainskich uzbrojenych sił.
Nahadajem, što ŭ noč na 23 kastryčnika ZŠA abviaścili sankcyi suprać dźviuch najbujniejšych naftavych kampanij Rasii — «Rasnafty» i «Łukojła», kab prymusić Pucina sieści za stoł pieramoŭ z Ukrainaj. U Ministerstvie finansaŭ ZŠA zaklikali Rasiju nieadkładna pahadzicca na spynieńnie ahniu i ŭdakładnili, što novyja miery zakranajuć nie tolki hetyja dźvie kampanii, ale i 36 ich daččynych struktur. Paśla hetaha akcyi «Rasnafty» i «Łukojła» rezka ŭpali — na niekalki miljardaŭ dołaraŭ.
Na nastupny dzień kiraŭnica jeŭrapiejskaj dypłamatyi Kaja Kałas paviedamiła, što Jeŭrasajuz uchvaliŭ 19‑y pakiet sankcyj, nakiravany suprać «cieniavoha fłotu» Rasii i impartu zvadkavanaha pryrodnaha hazu.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary